Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

hišće wjele ‹něšto› wody po Sprjewi poběži ‹přeběži, přeběhnje, zběži›
`budźe hišće dołho trać´ | `es wird noch sehr lange dauern´ es wird noch sehr viel Wasser ins Meer fließen

Wörterbuchbelege

mjeztym wjele wody po Sprjewi wuběhnje (Kral 688); do toho hišće něšto wody po Sprjewi přeběži (Trofimowič 210); hišće wjele wody po Sprjewi dele zběži (NHS 1, 511)

přikłady z literatury

A wjele wody hišće po Sprjewi nimo Budyšina přeběhnje, prjedy hač moja poezija Serbam do krwje a do kosći přeńdźe. (Ćišinski, ZSĆ 13, 59) Njemóže so wo nim napowědać a bjez dwěla hižo mysli, kajki změje Jěwiny kwas być, zo móhł so před bohatym přećelstwom widźeć dać, ale do toho drje hišće něšto wody po Sprjewi přeběži. (Kubašec, Serbin 1, 185) Do toho wšak hišće tójšto wody po Sprjewi poběži, kaž to we wobrazu „Jastry“ z Delnjeje Łužicy začuwaš. (SN 2010)

wróćo